ཁྲི་ལྡེ་གཙུག་བརྟན།
༡༠༽ མགར་གྱི་ཐུགས་ལ། རྒྱལ་བུ་ན་སོ་གཞོན་པ་དང༌། བོད་ཀྱི་མངའ་ཐང་ཇེ་རྒྱས་དང་དམག་དོན་གྱི་བྱ་བ་འགངས་ཆེ་བས། རྒྱལ་ཁབ་ཀྱི་དོན་ཆེན་ཚང་མ་རྗེ་བློན་ལྷན་འཛོམས་བཀའ་གྲོས་ཀྱི་ལམ་ནས་ཐག་གཅོད་གནང་ཐུབ་ན་དགེ་མཚན་ཆེ་བར་མཐོང༌།
༡༡༽ ཤིང་སྟག་(ཕྱི་ལོ༦༥༤)ལོར་བློན་པོ་མགར་གྱིས་རྗེ་བློན་ཚང་འཛོམས་ཀྱི་ཚོགས་འདུ་གཙོ་སྐྱོང་གནང་སྟེ། བོད་རྒྱལ་ཁབ་ཆེན་པོའི་ཆབ་སྲིད་སྤྱི་དང་བྱེ་བྲག་དམག་དོན་གྱི་ཐད་ལ་བཀའ་གྲོས་ཞིབ་མོ་གནང༌།
༡༢༽ ཚོགས་ཐོག་དེར་རབ་དམག་གི་སྡེ་དང༌། ཕལ་པ་མི་སེར་གྱི་སྡེ་ཞེས་དབྱེ་བ་ལེགས་པར་ཕྱེ་ནས་དམག་ལ་མཐོང་ཆེན་གྱི་སྒྲིག་སྲོལ་གཏན་འབེབས་གནང༌། དེ་ནས་བཟུང་ལོ་རེ་བཞིན་དུ་གྲོས་འདུན་ཆེན་མོ་རེ་འཚོགས་ནས་ཆབ་སྲིད་བརྟན་སྲུང་དང་ཡར་རྒྱས་བཏང༌།
༡༣༽ ཤིང་ཡོས་(ཕྱི་ལོ་༦༥༥)ལོར། བློན་ཆེན་མགར་གྱིས་བོད་ཀྱི་བཀའ་ཁྲིམས་ཆེན་མོ་དྲུག་སོགས་རྩ་ཁྲིམས་རྣམས་ཡི་གེར་བཀོད་ནས་ཡོངས་ཁྱབ་ཏུ་བསྒྲགས། རྒྱལ་སྲིད་ཁྲིམས་ཀྱིས་སྐྱོང་བའི་བྱ་བ་ལག་ལེན་དོན་འཁྱོལ་ཡོང་ཐབས་གནང༌།
༡༤༽ བློན་ཆེན་མགར་གྱིས། འབྲོག་ནས་ཤ་ཁྲལ་དང་རོང་ནས་འབྲུ་ཁྲལ་བསྡུས་ཏེ་བོད་དམག་གི་གནས་སྟངས་ཡར་རྒྱས་གཏོང་དགོས་པའི་བཀའ་གྲོས་ཀྱང་མཛད་དེ་གཏན་ལ་ཕབ།
For the audio files